கர்நாடக அரசின் திருத்தப்பட்ட மனு உச்ச நீதிமன்றத்தில் தாக்கல் ~ Dailyones

கர்நாடக அரசின் திருத்தப்பட்ட மனு உச்ச நீதிமன்றத்தில் தாக்கல்

சொத்துக் குவிப்பு வழக்கில் ஜெயலலிதா விடுதலை செய்யப்பட்டதை எதிர்த்து கர்நாடக அரசு தாக்கல் செய்த மேல்முறை யீட்டு மனுவில் 10 குறைபாடுகள் இருப்பதாக உச்ச நீதிமன்றம் அண்மையில் சுட்டிக் காட்டியது.

அந்த குறைபாடுகளை நீக்கிய கர்நாடக அரசு, திருத்தப்பட்ட மேல்முறையீட்டு மனுவை உச்ச நீதிமன்றத்தில் நேற்று தாக்கல் செய்தது.

வருமானத்துக்கு அதிகமாக சொத்து சேர்த்த வழக்கில் தமிழக முதல்வர் ஜெயலலிதா, சகிகலா, சுதாகரன், இளவரசி ஆகியோருக்கு பெங்களூரு சிறப்பு நீதிமன்ற நீதிபதி ஜான் மைக்கேல் டி’குன்ஹா கடந்த செப்டம்பர் 27-ல் தலா 4 ஆண்டுகள் சிறை தண்டனை விதித்தார்.

இதை எதிர்த்து நான்கு பேரும் கர்நாடக உயர் நீதிமன்றத்தில் மேல்முறையீடு செய்தனர். இதனை விசாரித்த நீதிபதி சி.ஆர். குமாரசாமி கடந்த மே 11-ம் தேதி ஜெயலலிதா உட்பட 4 பேரையும் விடுதலை செய்தார்.

இந்தத் தீர்ப்பில் பல அடிப்படை தவறுகளும் கணித பிழைகளும் இருப்பதாக பல்வேறு தரப்பினர் சுட்டிக் காட்டினர்.

இதைத் தொடர்ந்து ஜெயலலிதா விடுதலையை எதிர்த்து கர்நாடக அரசு சார்பில் கடந்த ஜூன் 23-ம் தேதி உச்ச நீதிமன்றத்தில் மேல்முறையீடு செய்யப்பட்டது. இந்த மனுவை ஆராய்வதற்காக 6 பேர் குழுவை உச்ச நீதிமன்ற பதிவாளர் அலுவலகம் நியமித்தது. அந்த குழு நடத்திய ஆய்வில், கர்நாடக அரசின் மனுவில் 10 முக்கிய குறைபாடுகள் இருப்பது சுட்டிக் காட்டப்பட்டது.

இதையடுத்து கர்நாடக அரசு வழக்கறிஞர் ஆச்சார்யா தலைமையிலான குழுவினர் கடந்த சில நாட்களாக மேல்முறையீட்டு மனுவை திருத்தும் பணியை மேற்கொண்டனர்.

அந்தப் பணிகள் நிறைவடைந்து கர்நாடக அரசின் டெல்லி வழக்கறிஞர் ஜோசப் அரிஸ்டாட்டில், திருத்தப்பட்ட மேல்முறையீட்டு மனுவை உச்ச நீதிமன்றத்தில் நேற்று தாக்கல் செய்தார்.

இந்த மேல்முறையீட்டு மனுவை உச்ச நீதிமன்ற பதிவாளர் அலுவலகம் மீண்டும் சரிபார்த்த பிறகு வழக்கு எண் ஒதுக்கப்பட்டு, வழக்கை விசாரிக்கப் போகும் அமர்வுக்கு பரிந்துரை செய்யப்படும் என்று டெல்லி வட்டாரங்கள் தெரிவித்துள்ளன.

ஜெயலலிதா விடுதலையை எதிர்த்து திமுக தாக்கல் செய்த மனுவில் ஒன்பது குறைபாடுகள் இருப்பதாக உச்ச நீதிமன்றம் அண்மையில் சுட்டிக் காட்டியது நினைவுகூரத்தக்கது.

Amma68: The times when AIADMK workers did crazy things for Jayalalithaa Jayalalithaa, the Chief Minister of Tamil Nadu whose influence in the state has been unyielding ev
ஆந்திரத்தில் நடந்தது..நமக்கும் நடக்கலாம் கெயில் பைப்லைன் வெடித்து விபத்து: ஆந்திரத்தில் 15 பேர் பலி விபத்து நடந்தது எப்படி? ஆந்திர
மதுக்கடை இல்லா குமரி மீனவ கிரமங்கள் !! கன்னியாகுமரி தொடங்கி நீரோடி வரை கன்னியாகுமரி மாவட்ட மீனவ கிராமங்கள் 64. இந்த 64 கிராமங்களில்
Sarathkumar walks out of AIADMK he said he has fulfilled his commitments and promises to AIADMK and the people. "I promised that I
Centre making 'gross violation' of SC order by entertaining Kerala's request for new dam: JayaTamil Nadu Chief Minister J Jayalalithaa termed the central government's decision to entertain Kera
மதுவுக்கு 4,011 டாஸ்மாக் ஊழியர்கள் பலி: கடைகளை மூட பணியாளர்களே வலியுறுத்தல் தமிழகத்தில் மதுவுக்கு அடிமையாகி கடந்த 13 ஆண்டுகளில் 4,011 டாஸ்மாக் ஊழியர்கள் இறந்துள்ளனர். அதனா